Mörk, hjúkrunarheimili

Það var fjör í Mörkinni á Woodstock hátíðinni sem haldin var í síðustu viku. Sumir máluðu friðarmerkið á ennið á sér, einhverjir fundu gamlar gallabuxur og rifu í stíl við tískuna sem að var við lýði um 1969 eða drógu fram litríkar mussur og pils. Nokkrir bundu um höfuðið slæður eða bindi og eyddu deginum berfættir. Þorvaldur kokkur og hans fólk bauð upp á veitingar í anda hátíðarinnar sem voru torkennilegar skonsur með spennandi efnablöndu, marglitar sælgætispillur og heimabruggað krækiberjavin...Hver veit nema Woodstock verði endurvakið að sumri til og fái þá heitið Mörkstock?