Jólin koma
Smákökubakstur, jólaskreytingar, jólatónlist. Allt er þetta eitthvað sem við blasir þegar komið er i Mörk þessa dagana. Það fer varla framhjá neinum hvað í vændum er. Þessi mynd var tekin á annari hæðinni núna í vikunni.
Hátíðleg aðventustund
Það var hátíðlegt um að litast í Mörk í gær og margir sem létu sig ekki vanta á það sem nú má líklega kalla árlega aðventustund í húsinu. Gísli Páll Pálsson flutti nokkur orð, Fjóla Haraldsdóttir var með aðventuhugvekju og barnakór Varmárskóla söng jólalögin. Þá lék Daníel Fróði Bogason á selló. Eftir aðventustundina í salnum á fyrstu hæð heimilisins fóru aðstandendur með heimilisfólki á heimilin þar sem boðið var upp á heitt súkkulaði með rjóma og hnallþórur. Aðstandendur bættu síðan ljúffengum veitingum við á veisluborðin.
Göngugarparnir í Mörk
Einu sinni til tvisvar í viku fara sumir heimilismenn í gönguferð með Helgu sjúkraþjálfara og þá láta heimilismenn veðrið ekki standa í vegi fyrir þessum gæðastundum með henni.
Þessi mynd var tekin af þeim Arnþóri og Óskari sem skruppu í góðan göngutúr með Helgu í morgun.
Gleðigjafar skreyttu jólatréð og sungu
Þegar börnin úr Steinahlíð koma í sína vikulegu heimsókn hingað í Mörk lifnar aldeilis yfir húsinu. Í morgun komu þau gagngert til að skreyta með okkur jólatréð. Eins og allir vita verður allt svo spennandi í kringum jólin þegar við fáum að upplifa þau í gegnum ungviðið. Hafliði Jónsson heimilismaður hér í Mörk spilar gjarnan á píanóið hjá okkur og þegar krakkarnir komu tóku þau lagið með honum. Myndirnar segja auðvitað meira en þúsund orð.